كشفت الإعلامية دعاء فاروق عن زيارتها للفنان محمد منير، والتي جاءت بعد مكالمة هاتفية صدفة دارت بينهما، أثناء حديثه مع إحدى صديقاتها.
دعاء فاروق تحكي عن زيارتها لبيت الكينج محمد منير
ونشرت الفنانة دعاء فاروق صوراً لها مع الفنان محمد منير، معلقةً عليها: «على غرار الصوت الشهير اللي بيقول أنا طلعت في التلفزيون، أنا ممكن أعمل صوت بنفس الانبساط والدهشة بيقول أنا زورت الكينج محمد منير في بيته، وعشان متحتاروش وتقولوا إيه اللي جاب القلعة جنب البحر، الموضوع ببساطة إن ريهام إبراهيم صديقتي الجميلة كانت بتزورني امبارح للاطمئنان علي ديدو ابني، وفي وسط القاعدة تركتها ودخلت المطبخ، وإذا بروكي بنوتي جت تقولي الحقي يا ماما ده ريهام بتكلم محمد منير في التليفون عادي، قلت لها آه يا روكي ما ريهام من أصدقائه المقربين جدًا منذ سنوات طويلة».
دعاء فاروق تُوثق يوم زيارتها للكِنْج محمد منير
وأضافت قائلًا: (دخلت على ريهام وقلت لها كواحدة مصرية أصيلة، ممكن تحشري نفسك في مكالمة مفيهاش علاقة بيكي خالص، سلميلنا عليه يا ريهام، وقوليله إن كلنا بنحبه) ،ده كان رد فعل طبيعي لأي مصري يسمع صوت محمد منير في السماعة اللي جنبه، وفجأة، ريهام تقول له: (طب خد دعاء فاروق عاوزة تكلمك)، وكانت مفاجأة حلوة لأنه كان لطيف جدًا، لما قلت له إن جوزي بيحب يسمعك، وفعلًا هو من عشاق صوتك، رد عليا وقال لي بكل لطف: (الله الله)، خلصت المكالمة بكلمات جميلة وودودة، وانتهت بكلامه اللطيف (إن شاء الله تيجي فرصة وأشوفك قريب)، ةالمفاجأة كانت في قوله لي: (اتفضلي نوريني مع ريهام بكرة).
دعاء فاروق: الكينج محمد منير نجم كبير وتواضعه يدهشني
واختتمت قائلة: «هو نجم كبير وقيمة عظيمة، ومع نجوميته الكبيرة، لا يزال يتمتع بتواضع ولطف شديد في استقبالنا، فرحت جدًا لما قال لي إنه شافني النهاردة الظهر في برنامجي، في الصورة، ريهام إبراهيم اللي بشكرها بصدق على المفاجأة والزيارة الجميلة دي، وعازفة الهارب الرائعة ياسمين حربي اللي اتعرفت عليها من خلال ريهام إبراهيم من سنتين وحبيتها جدًا جدًا، النهاردة، هو يوم أحب أوثقه، يوم زيارة الكينج محمد منير».
